Semalam aku bemimpi tegah puyang khuse. Puyang khuse ni puyangnye jeme ugan, khususnye jeme dusun SELEMAN Kec. Semidang Aji Kabupaten OKU Induk, Baturaja, Sumatera Selatan. Dalam mimpi itu puyang khuse bepesan atau bewasiat, bunyi wasiat kenan tu:
A. Sebab-sebab jeme ugan banyak ye bange:
1. ndai kecik lah diajung jeme tuenya ngambin bake
2. Gi budak lah disegakgual bapaknye
3. Ndai lahir sampai bak ini besak-besak diume
4. Makanannye tiap akhi sambal calok wan ikan pungkut muare
5. Amen budak betine khimbit wan belaki mude
6. Amen budak jantan, besak dikit diajung beume wan njale
B. Sebab-sebab jeme ugan idupnye banyak sare:
1. Sembayang kadang kale
2. Nak Lemak tapi ndak sare
3. Badahnye dek lakhi ndai lipekhan wan pance
4. Hobinye ngupat wan becece
5. Lum beduit lah mekhase kaye
6. Lum Besak lah mekhase raje
7. Lum Begawi badan lah lesu gale
8. Beduit dikit lah nak bebini due
9. Galaklah ngajung ndaikan nggawikannye
10.Lum berasan lah nak ngajak belage
11.Lum bekendak lah melete
12.Lum Begawi lah likoh gale
13.Kegalakanye belilang rete jeme tue
14.Iloklah lagak ndaikan rupe
15.Galak mintak tapi begawi dek kuawe
16.Lum bekhinggut lah supak gale
17.Ngumong nak besak padehal dek ngatik ape-ape
18.Amen ngajung nak bilang pale
19.Amen begerak, bekhatlah punggung ndaikan pale
20.Amen bidapan, bilang pale lah salah gale
21. Amen ngupat wan melete mulai ndai pangkalan sampai ke pance
JADI, PESAN PUYANG KHUSE! AMEN ANAK CUCUNGNYE JEME UGAN DEK ENDAK BANGE WAN IDUP SARE, HADA GAWIKAN PENGAWIAN DEK NGUCUP TADI TU!
KHUSUS UNTUK BUDAK MUDE UGAN LE GALENYE, BESEMANGATLAH DALAM NJALANI IDUP INI SUPAYE DEKDE NDJADI JEME BANGE WAN IDUP SARE
Tidak ada komentar:
Posting Komentar